Paentiadau gan Jaqueline Alkema
"Cynnyrch proses feddyliol ddeallusol, sydd yn arwain at fynegiant gweledol o gyflwr mewnol, yw fy mhaentiadau.
Y dychymyg wedi'i sbarduno gan ddarllen, ymchwil a gweithio o fywyd, yw man cychwyn unrhyw ddarn o waith.
Mae'r ffigwr benywaidd a saif mewn ystum lletchwith yn un o brif nodweddion fy ngwaith. Mae'r paentiadau'n datblygu trwy arbrawf a greddf ond gydag ymwybyddiaeth a rheolaeth o'r cyfryngau a ddefnyddir.
Rwy'n gweithio gan fwyaf mewn olew a dulliau aml gyfrwng, a defnyddiaf dechnegau paentio a haenu deunyddiau yn gyson i greu dyfnder materol ac emosiynol. Mae collage yn rhywbeth a ddychwelaf ato yn aml yn fy ngwaith.
Yn 2003 cychwynnais ar gyfres o bortreadau. Bu darllen bywgraffiadau ac ymchwilio deunydd archifol yn ysbrydoliaeth i mi adrodd hanesion merched a gyraeddasant, trwy ddioddefaint ac anawsterau personol, eu potensial creadigol a gwleidyddol.
Mae'r portreadau mewn du a gwyn er mwyn cael effaith mwy llym a dramatig, ac i adlewyrchu ffilmiau mud a sinema gynnar.
Yn 2005 cyflawnais brosiect, a ariannwyd gan CCC, lle archwiliais ffordd o bortreadu oedd yn dangos elfennau cudd o fywydau merched trwy gyfuniad o adrodd stori, testun a phaentio.
Canolbwynt y prosiect penodol hwn oedd bywydau'r merched oedd yn weithredol yn ystod streic y glowyr ym 1985/86 yn Ne Cymru. Fy mryd oedd rhoi'r statws eiconig iddynt a haeddant, ac i ysgogi chwilfrydedd y gwyliwr ."
Isod mae detholiad o dyfrlliwiau Jaqueline Alkema.
I brynu dyfrlliwiau Jaqueline Alkema yn uniongyrchol ac yn ddiogel ar-lein, cliciwch yma.
 |
-
Eva Hesse
Frida Kahlo
Lee Miller
Rachel Roberts
Tina Modotti
Vi John
 |
Diolch i chi am ymweld â’n gwefan. Os hoffech fwy o wybodaeth mae croeso i chi gysylltu â ni
